Spitex என்பது “மருத்துவமனையில்லா பராமரிப்பு” என்பதைக் குறிக்கிறது. இது மருத்துவமனைக்கு வெளியே, பெரும்பாலும் வீட்டிலேயே வழங்கப்படும் செவிலியப் (Pflege) பணிகளை குறிக்கிறது.

ஒருவருக்கு மருத்துவ ரீதியான காரணங்களால் தேவைப்படும் பராமரிப்பு உதவிகளை ஒரு மருத்துவர் உறுதிசெய்தால், அத்தகைய நபருக்கு, அங்கீகரிக்கப்பட்ட Spitex நிறுவனத்திடமிருந்து பராமரிப்பு சேவைகள் பெறும் உரிமை உள்ளது.

மருத்துவரால் பரிந்துரைக்கப்பட்ட சேவைகளுக்காக, மருத்துவக் காப்பீட்டு நிறுவனங்கள் பெரும்பாலும் ஒரு காலாண்டுக்கு 60 முதல் 90 மணி நேர வரையிலான Spitex சேவைகளுக்கான செலவுகளை ஏற்கின்றன. முக்கியமானது என்னவென்றால், அந்த Spitex நிறுவனம் சுவிசின் மாநிலங்களின் அங்கீகாரம் பெற்ற நிறுவனமாக இருக்க வேண்டும்.

தனியாராக இருந்தாலும், பொதுவாக இருந்தாலும், அனைத்து Spitex நிறுவனங்களும் மாநிலங்களின் சுகாதாரத் திணைக்களத்தின் அனுமதிப்பத்திரம் மற்றும் மருத்துவக் காப்பீட்டு நிறுவனங்களுடன் பணியாற்றும் எண் (ZSR-Nummer) கொண்டிருக்க வேண்டும். பொதுத் துறையைச் சேர்ந்த Spitex நிறுவனங்கள், மேலும், மாநிலம் அல்லது ஒரு கிராமசபைகளிடமிருந்து காட்டாய சேவையேற்பு ஒப்பந்தம் கொண்டிருக்கலாம். இதனால், அவர்கள் எந்தவொரு பராமரிப்பு தேவையையும் ஏற்க வேண்டிய கட்டாயத்தில் இருக்கிறார்கள்.

நாங்கள் எப்போது உங்கள் சேவையை விரும்புகிறீர்களோ அப்போது வழங்குகிறோம்.

தொழில்நுட்ப தகுதியில், தனியார் மற்றும் பொது Spitex நிறுவனங்கள் ஒரே தரநிலைகளை பூர்த்தி செய்ய வேண்டும். ஊழியர்களுக்கான பயிற்சி மற்றும் தேவைகள் மாநிலத்தை பொறுத்து மாறுபடும், ஆனால் பொதுவான சட்டங்கள் அனைவருக்கும் சமமானதாகும்.

பாரமரிப்பு பணியாளர்களின் தட்டுப்பாட்டால் அரச Spitex நிறுவனங்கள் அனைத்து தேவைகளையும் பூர்த்தி செய்ய முடியாத நிலைமையால், தனியார் நிறுவனங்கள் மிகவும் அத்தியவசியமானவை மற்றும் ஏற்கப்பட்டவையாக உள்ளன.

சேவை தரத்தில் எந்த வித்தியாசமும் இல்லை. கட்டணங்கள் சுவிஸ் நாடு முழுவதும் ஒரே மாதிரியாக நிர்ணயிக்கப்பட்டுள்ளன.